Сеницкое водохранилище и окрестные пруды

**Aleksey1980** · 09.05.2026, 20:01

Сегодня с 2 до 7 был на Сенице удалось словить десяток плоток, два карася и подлещика

**1973Дима** · 15.09.2026, 20:47

У нядзелю палавіў і ў Сенніцы. Мэта была плотка, і мэту здзейсніў. Лавіў з боку прыватнага сектара. Прайшоў за дрэвы і стаў на чыстым. Калі быў у маі, тут добра заросла травой было, але зараз на дзіва чыста. Казаць, што проста было — не скажаш. Спачатку ну надта добра падышла на матыля, ды і ладная для гэтых мясцін. А потым наляцела вярхоўка. Паціху расклявалася і на апарыша (я яго ўтопленага ў прыкормку кідаў багата), а ў канцы і на пярлоўку пачала. Але так, каб паставіць яе — дык і не надта атрымлівалася. Падыйдзе — трохі падловіш, і цішыня.
Ну і яшчэ коцікі. Руды, мо, і галоўны, але ж тупы. Падыйдзе амаль пад ногі, паглядзіць, рыбы не ўбачыць ды і далей па сваіх справах. А чорны проста сядзеў ды чакаў. Як руды падыходзіць, дык чорны ў бок адыдзе трохі. Затое рыбы пакаштаваў значна больш за рудага.

Ну і карась. Калі-нікалі вешаў і па два апарышы з парай матылёў ці чарвяка. На чарвяка акунь... Ну і адзін карась недзе на грамаў дзвесце ўзяў. Ну, я тады дастаў шасцімятровы мах, закарміў амаль пластылінам — і хай чакае халявы. І дачакаўся! Недзе ў пачатку другога клюнуў і ён. Прыгажун, хоць і акупант. З карасёў у гэтым годзе лепшы. Зноў не важыў, але недзе каля 0.7. Да таго ж на адносна новую вуду — Dayo Anuken. Каб з рукі лавіць, ну надта неблага, але па карасю ад паўкіло Sagacity лепей бы адпрацавала. А можа і не. Можа, гэта мне так здаецца.

А пасля гэтага і закругляцца можна было, але... Вераснёўскае сонейка... Пяшчотнае, зараза. Ці будуць яшчэ гэткія дзянькі? Сядзі, зрэдку вуды перакідвай, і тое больш з таго, каб паказаць, што ты рыбак, а не проста сонечныя ванны прымаеш...

ПЫ.СЫ. Пра Dayo новую. Тут як атрымалася. Мая шасцёрка старая, Kaida Sagacity якая, заклініла паміж другім і трэцім каленам. Я яе і ВД-шкай, і ільдом, і фэнам, і цягнулі... А яна ну ніяк. Плюнуў ды купіў новую, тым больш і каштуе капейкі, ды яшчэ прадавец зніжку даў. А дома жонцы старую даў, хай ламае, бо дастала са сваім ныццем. І... Тук-тук аб падлогу, і о цуда!!! Зноў у справе. Так што майце на ўвазе: каму патрэбен якасны рамонт — звяртайцеся!

Объявление

Сеницкое водохранилище и окрестные пруды

Сеницкое водохранилище и окрестные пруды

Комментарий

Комментарий

Просматривают:

Кто рыбачит