Каманда RS Ice Fishing дачакалася спартовага сезона

Каманда RS Ice Fishing дачакалася спартовага сезона і прыняла ўдзел у 1-м этапе Рэспубліканскіх Спаборніцтваў ў лоўлі на мармышку з лёду, які праходзіў на Смалявіцкім вадасховішчы 23-24-га студзеня. Сціслая капітанская справаздача:)
Вадаём знаходзіцца непадалёк ад сталіцы, таму мы планавалі зрабіць некалькі выездаў каб разабрацца з лоўляй. Першы раз за 2 тыдні да этапа мы паўдня прабегалі па снезе і не бачылі паклёвак, пакуль не прабурыліся прыкладна ў Зоне С першага дня. Злавілі па 5-10 рыбак і паехалі дамоў, зразумеўшы толькі тое, што будзе цяжка

Вырашылі болей не марнаваць час і наступнае трэнаванне адбылося ўжо за дзень да старту. Прыехалі пазнавата і ў лёдзе ўжо не засталося жывога месца:) я пашоў вывучаць зоны С,D і за 5 гадзін не ўбачыў паклёўкі. Зрабілі прамер глыбіні і паехалі адпачываць. Увечары ўсе вязалі самыя тонкія снасці і рыхтаваліся многа бегаць. Лёсаванне накіравала мяне ў зону С, чаму я быў рады. Перад стартам да мяне падышоў Вадзім Якубовіч і даў параду каб многа матыля не кідаў і лавіў на самую тонкую вуду з маленькай мармышкай. Сказаў, што на аднаго матылька кольцам будзе лавіцца акунь) Я схахаваў кармушку ў шпакоўню і карміўся з рукі. Са старту я рабіў дарогу ад берагавой стужкі ўглыбь зоны, каб намацаць якую анамалію дна, і збегаў на дальні бок зоны каб зрабіць пару лунак у запас. Праз 30 хвілін на першай лунцы я атрымаў паклёўку акуня і далей хадзіў збіраў па рыбцы з астатніх лунак. Толькі з адной атрымалася серыйна палавіць дробную плотку. Дакорм сыпухай RS Верхаводка трошкі збіраў рыбу, а калі дакармліваў ліманнікам, то клёў знікаў на пэўны час. Думаў, што пралячу я з такой рыбалкай, бо здавалася, што ўсе сядзяць на адных лунках і нешта цягаюць. Аднак на ўзважванні аказалася, што я са сваімі 385 г стаў другім у зоне

У астатніх спартоўцаў нашай каманды рыбалка выдалася цяжэйшай, але мы ўсё ж здолелі накалупаць на 3-е каманднае месца паводле вынікаў першага тура. Лёсаванне перад другім турам закінула мяне ў больш рыбную зону D. Стартаваў я ўжо па іншай схеме : зрабіў 2 базы ўздоўж стужкі бліжэй да зоны першага дня. За вугал зоны вырашыў не змагацца, а зрабіць каля 10 лунак і ўсе пракарміць. Цэнтральныя лункі я закарміў матылём з RS Верхаводка з ліманам, а край зоны як і ўчора- шчопаццю лімана з рукі, разбалтаўшы яго з шарашом. Рыба адгукнулася ў першай лунцы з 5-й праводкі і на працягу трох гадзін я збіраў свой улоў з чатырох лунак. Не адразу заўважыў, што на мармышцы сагнуўся кручок і праз гэта я зліваю рыбу. Узяў другую вуду, але 5 сходаў ужо не адгуляеш і неўзабаве гучыць сігнал "фініш". На гэты раз якарнуў каманду ўжо я, а астатнія справіліся з задачай лепей і нам удалося адгуляць 1 бал у камандным заліку. Такім чынам, каманда RS Ice Fishing пакідае першы этап са срэбнымі медалямі! Точым мармышкі на Вілейку