Сення я вырашыў прысвяціць вольны час аднаму з вадаёмаў Дзяржынскага раёна. Пасля 4 гадзін безвыніковага чакання карася, вырашыў больш не марнаваць час, а наведаць Пціч. Прыехаў а сёмай гадзіне вечара на тое ж самае месца, дзе лавіў у мінулым годзе. Нарэшце, цёплы травеньскі вечар, амаль без ветру, сонейка пяшчотнае, як пацалунак каханай. Ну хіба ж платва не возьме?
Узяла. Клявала амаль з кожнай праводкі, памер добры, пад 80-100 грамаў рыбкі. Паклеўкі вельмі асцярожныя: трэба было вельмі пільна сачыць за паплаўком каб адзначаць кожнае змяненне ў яго паводзінах і трапна падсякаць. Было некалькі сходаў сапраўды добрай рыбы: не даў рады падняць яе на бераг. Хараство працягвалася з гадзіну, потым з кожнай хвілінай клеў слабеў у адпаведнасці з сыходам сонца і паніжэннем тэмпературы паветра.
Але мне хапіла і гэтага.
Дзякуй Пціч, ты мяне не расчаравала!
7 Фото