На гэты раз стаў з боку прыватнага сектара, але адразу ў дрэвах. Спрабаваў спачатку фідэрыць недзе з гадзіну, але стала зразумела, што не ў гэткім я стане. І кармушкі ляцяць абы-куды, і рукі пачалі адвальвацца. Мах — наша ўсё, а на фідэр паставіў «забойцу карася» — і хай чакае. І дачакаўся! Не прайшло і гадзіны, як на «забойцу» карась гэты амаль на кіло як раз і павесіўся. Можа, каб гэткай тактыцы і прытрымлівацца (з пяток кармушак, а потым дубініць), можа, што і атрымалася б, а можа і не.
А на мах карась не падышоў. Рака і тут злавіў — на голы кручок, пакуль глыбіню выстаўляў, узяўся. Ну, яшчэ і коцікаў накарміў добра. Сёння чорны адразу амаль пад ногі сеў, а руды як быў шалёны, так і застаўся. Ужо аб'еўся той рыбай — толькі галовы аб'ядаў, а астатняе пакідаў. Толькі калі я плотак у ваду кідаў, ён за імі ледзьве ў ваду не скакаў. Драпежнік!
8 Фото