р. Морочь, Семежевский канал и другие

**Joven** · Вчера, 22:37

Падчас аднаго з сямейных застолляў жончын дзядзька доўга распавядаў як некалькі год таму па вясне ён з сябрамі наведваў Семежаўскі канал, і якая там была мардатая плотка ды тлусты падлешчык. Мне стала цікава, і канечне я палез шукаць у "гэтых вашых інтэрнэтах" інфармацыю наконт канала і рыбы ў ім. Ужо каторы раз з вялікай удзячнасцю адзначаю, якім карысным рэсурсам з'яўляецца БРІК для тых, хто шукае новыя мясціны і прагне вандровак. Я "праштудзіраваў" амаль усю адпаведную галінку форума і вырашыў, што варта было б паглядзець гэтае месца на свае вочы.
І вось у мінулы чацвер мы з сябрам а чацвёртай гадзіне раніцы стартуем з Мінску. Настрой файны: усе працуюць, а мы на рыбу, і нас чакае хоць і невялічкі, але ад таго яшчэ больш шчаслівы момант без тэлефонаў, турбот і клопату штодзённага жыцця.
Я загадзя прыкмеціў на мапе месца за другім мастом цераз канал, там, дзе пачынаецца лес. Прыбылі, сонца толькі узышло, птушыны гоман рве вушы і душу на шматкі, лес толькі-толькі пачаў зелянець, і пах маладой лістоты кружыць галаву. Адным словам, прыгажосць неімаверная.
Пачалі лавіць, і хутка зразумелі, што мы кайфанем напоўніцу. Рыба была актыўнай, брала амаль з кожнага закіду. Няхай памер быў з большага невялікі, але раз-пораз траплялася і патэльнага памеру рыбка. Нават кароткачасовы дождж не сапсаваў нам настрой, а быў досыць дарэчы каб падмацавацца. Не ведаю, як хто, а я заўсёды забываюся на ежу і іншыя чалавечыя патрэбы калі рыба добра бярэ. З асалодай пакаштавалі сала з свежым хлебам і маладой зелянінай і хутка вярнуліся да лоўлі.
Час праляцеў непрыкметна. Здавалася, толькі прыехалі, а ўжо трэба збірацца дамоў. Для мяне гэта заўсёды сумны момант, але кожны раз я супакойваю сябе тым, што нешта павінна скончыцца, каб даць пачатак чамусьці новаму. І таму новым вандроўкам абавязкова быць.
Па рыбе злавілі прыкладна норму на дваіх, з сабой узялі буйнейшую на пачастунак сем'ям. Лавілі на 7-метровыя паплавочныя вуды з лёгкай вясновай аснасткай.

Выбачаюся, што без фотак, неяк не даў рады нешта сфоткаць ў гэты выезд.

Объявление

р. Морочь, Семежевский канал и другие

р. Морочь, Семежевский канал и другие

Комментарий

Просматривают:

Кто рыбачит